Topaz Premyer Liqasında başa çatan 2012/13 mövsümündə baş tutan 191 oyunda qapılara 465 qol vurulub. Apasport.az saytının məlumatına görə, nəticəsi ləğv olunan “Simurq” – “Rəvan” matçı nəzərə alınmamaqla orta məhsuldarlıq 2,43-ə bərabər olub.

Məhsuldarlığın belə yüksək olması daha çox 7-12-ci yerlər uğrunda keçirilən qarşılaşmalar hesabına mümkün olub. İlk “altılıq”da isə bu rəqəm çox aşağı olub. Ümumilikdə isə final mərhələsinin məhsuldarlığı təsnifat mərhələsindəkindən daha yüksəkdir.

Mərhələ oyun qol orta
Təsnifat mərhələsi 131 316 2,41
1-6-cı yerlər 30 61 2,03
7-12-cı yerlər 30 88 2,93
Final mərhələsiz 60 149 2,48
Cəmi 191 465 2,43

Vurulan qolların böyük hissəsi meydan sahiblərinin payına düşür. Onlar hər 2 hissədə qonaqlardan üstün olub. Hissələr üzrə qollara gəlincə isə məhsuldarlıq fasilədən sonra artıb.

qol orta ümumi qolların faizi
Meydan sahibləri 269 1,41 57,8%
Qonaqlar 196 1,03 42,2%
I hissə 207 1,08 44,5%
II hissə 258 1,35 55,5%
Meydan sahibləri/I hissə 121 0,63 26,0%
Meydan sahibləri/II hissə 148 0,77 31,8%
Qonaqlar/I hissə 86 0,45 18,5%
Qonaqlar/II hissə 110 0,58 23,7%

Başa çatan mövsümdə qeydə alınan orta məhsuldarlıq Premyer Liqa tarixində ən yüksək nəticədir. Düzdür, əvvəlki çempionatlarda daha yüksək məhsuldarlıq da qeydə alınıb. Lakin çempionatın Premyer Liqa adlandığı 2007-ci ildən sonra məhsuldarlıq bu həddə çatmamışdı.

2007-09-cu illərdə Premyer Liqa, 2009-12-ci illərdə Unibank Premyer Liqası və 2012-ci ildən Topaz Premyer Liqası adı ilə keçirilən turnirlərdə ən yüksək məhsuldarlıq cari mövsümə təsadüf etdi. Bu həm də futbolumuzda canlanmanın başladığı 2004-cü ilin yayından sonra üçün ən yaxşı nəticədir.

Başa çatan mövsüm ümumilikdə isə çempionatlar tarixində 12-ci nəticədir. Çünki yarışın Güclülər dəstəsi və yüksək liqa adlandığı vaxtlar məhsuldarlıq daha yüksək olurdu. Mütləq rekordun qeydə alındığı 2000/01 mövsümündə isə məhsuldarlıq 3,15-ə qalxmışdı.

Mövüm Keçirilməli/o Baş tutmayan/o Baş tutan/o Qol sayı Orta/m
1992 482 81 401 1191 2,97
1993 184 14 170 437 2,57
1993/94 240 24 216 605 2,80
1994/95 156 22 134 401 2,99
1995/96 160 7 153 469 3,07
1996/97 240 9 231 692 2,99
1997/98 182 27 155 405 2,61
1998/99 236 26 210 590 2,81
1999/2000 132 5 127 307 2,42
2000/01 111 15 96 302 3,15
2001/02 148 5 143 376 2.63
2003/04 182 15 167 485 2,90
2004/05 307 19 288 684 2,38
2005/06 182 0 182 423 2,32
2006/07 156 1 155 361 2,33
2007/08 182 1 181 434 2,40
2008/09 182 0 182 443 2,43
2009/10 192 0 192 392 2,04
2010/11 192 0 192 381 1,98
2011/12 192 0 192 445 2,32
2012/13 192 1 191 465 2,43
Cəmi 4230 272 3958 10.288 2,62

Mənbə: pfl.az

• Azərbaycan velosipedçisi Qazaxıstanda daha bir medal qazanıb
• Azərbaycan badmintonu tarixində bir ilk
• V Autizm Festivalı keçirilib
• Təmsilçilərimiz beynəlxalq turnirdə bürünc medal qazanıblar
• Bilyard üzrə Azərbaycan çempionatı keçiriləcək