Bu gün Fransanın paytaxtı Parisdə Avropa Olimpiya Təsnifat Turniri bərpa olunacaq. 

Apasport.az saytının məlumatına görə, ötən il martın 14-də Böyük Britaniyanın paytaxtı Londonda başlayıb, lakin üç gündən sonra koronavirus pandemiyası üzündən dayandırılan yarışın ilk günündə Azərbaycan millisinin 4 boksçusu rinqə çıxacaq. 

Onların hər biri 1/4 final mərhələsinə vəsiqə uğrunda döyüşəcəklər. 

Kişilər
1/8 final
69 kq
Lorenzo Sotomayor – Sebastian Terteryan (Danimarka)

81 kq
Alfonso Dominqes – Stefan Hrekul (Ukrayna)

Qadınlar
1/8 final
57 kq
Məhsəti Həmzəyeva – Aycan Güldağı (Türkiyə)

75 kq
Aynur Rzayeva – Yelizaveta Vojçik (Polşa)

Qeyd edək ki, 5 gün davam edəcək Avropa Olimpiya Təsnifat Turnirində 7 boksçumuz mübarizəni davam etdirir. Tokio Yay Olimpiya Oyunlarına lisenziya uğrunda Cavid Çələbiyevlə (63 kq) Məhəmməd Abdullayev (+91 kq), həmçinin Olimpiadada iştirakını təmin edən Tayfur Əliyev (57 kq) növbəti günlərdə yarışa qoşulacaqlar. 

Boksçularımızın qüvvəsini sınadığı 63 kq çəki dərəcəsində 8, 69 kq, 81 kq, 57 kq-da 6, +91 kq və 75 kq-da 4 idmançı Oyunlarda iştirak hüququ qazanacaq. 
 

• Azərbaycanın trek yığması Avropa çempionatında iştirak edəcək
• Şose velosipedi üzrə ölkə çempionatının qalibləri müəyyənləşib
• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub
• Şose velosipedi üzrə ölkə çempionatında ikinci günün qalibləri bəlli oldu - FOTO