2021-ci ildə Yaponiyanın paytaxtı Tokioda keçiriləcək Yay Olimpiya və Paralimpiya Oyunlarının büdcəsi artırılıb.

Apasport.az saytının məlumatına görə, yarışların ümumi büdcəsi 15,8 milyard dollara çatıb.

Buna Olimpiya və Paralimpiya Oyunlarının koronavirus pandemiyası üzündən bir il sonraya təxirə salınması səbəb olub. Bu rəqəm əvvəlki ilə müqayisədə 2,85 milyard artıb.

Bunun böyük hissəsi idman obyektləri və Olimpiya kəndi ilə bağlıdır. 931 milyon isə koronavirus infeksiyasının yayılmamasına xidmət edən tədbirlərə yönələcək.

Yarışın Təşkilat Komitəsi 6,97, şəhər rəhbərliyi 6,787 milyard xərcləyəcək. Digər vəsaiti Yaponiya hökuməti ayıracaq. Beynəlxalq Olimpiya Komitəsi də 193 milyon ödəyəcək.

Qeyd edək ki, Olimpiya Oyunları iyulun 23-dən avqustun 8-dək, Paralimpiya Oyunları avqustun 24-dən sentyabrın 5-dək keçiriləcək.
 

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”