Portuqaliyanın paytaxtı Lissabonda cüdo üzrə Avropa çempionatı davam edir. 

Apasport.az saytının məlumatına görə, bu gün Azərbaycan millisinin daha iki üzvü mübarizəyə qoşulub.

Yarışın ikinci günündə 81 kq çəki dərəcəsində çıxış edən Hidayət Heydərov və Murad Fətiyev qüvvəsini sınayıb. Heydərov 1/8 finalda belçikalı Mattias Kasseyə, Fətiyev isə 1/16 finalda türkiyəli Vedat Albayraka məğlub olaraq mübarizəni erkən başa vurub.

Qeyd edək ki, Avropa çempionatına 9 cüdoçu ilə qatılan Azərbaycan millisinin heyətində dünən Kəramət Hüseynov (60 kq) bürünc medalını qazanıb. Qitə birinciliyinə aprelin 18-də yekun vurulacaq.

• Güllə atıcılığı üzrə Azərbaycan birinciliyinin qalibləri müəyyənləşib
• Azərbaycanın trek yığması Avropa çempionatında iştirak edəcək
• Şose velosipedi üzrə ölkə çempionatının qalibləri müəyyənləşib
• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub