Fiqurlu konkisürmə üzrə dünya çempionatından sonra qadın idmançıların reytinq siyahısı açıqlanıb.

Apasport.az saytının məlumatına görə, Beynəlxalq Fiqurlu Konkisürmə İttifaqının (İSU) siyahısında Azərbaycan təmsilçisi də ilk “20-liy”ə düşüb.

Yekatetina Ryabova qadınların mübarizəsində dünyanın 14-cüsüdür. Onun 211,1 xalı var.

Azərbaycan konkisürəni yalnız 4 ölkə təmsilçilərindən geri qalır. Ryabovanı qabaqlayan 13 idmançı arasında Rusiyanın 7, Yaponiyanın 3, Cənubi Koreyanın 2, ABŞ-ın 1 təmsilçisi var.

Cədvələ yaponiyalı Rika Kixira başçılıq edir – 419,6. Rusiyalılar Anna Şerbakova 372,6 xalla ikinci, Yelizaveta Tuxtamışeva 345,2 xalla üçüncüdür.
 

• Güllə atıcılığı üzrə Azərbaycan birinciliyinin qalibləri müəyyənləşib
• Azərbaycanın trek yığması Avropa çempionatında iştirak edəcək
• Şose velosipedi üzrə ölkə çempionatının qalibləri müəyyənləşib
• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub