Rusiyanın Yakutsk şəhərində olimpiya, dünya və Avropa çempionu Roman Dmitriyevin xatirə turnirində Azərbaycan millisi 2 medal qazanıb. 

Güləş Federasiyasından apasport.az saytına verilən məlumatına görə, gənc sərbəst güləşçilər arasında keçirilən ənənəvi yarışda Cəbrayıl Hacıyev (70 kq) birinci, Sabir Cəfərov (65 kq) ikinci yeri tutub. 

Hacıyev final görüşündə Rusiyanı təmsil edən erməni əsilli Arsen Balayana qalib gəlməklə, qızıl medala yiyələnib. Ev sahibi Danil Xarçilava ilə qarşılaşan Cəfərov isə 0:5 hesabı ilə uduzaraq, fəxri kürsünün ikinci pilləsinə yüksəlib. 

Beləliklə, 3 güləşçiylə xatirə turnirinə qatılan komandamız yarışı 1 qızıl və 1 gümüş medalla başa vurub.

• Güllə atıcılığı üzrə Azərbaycan birinciliyinin qalibləri müəyyənləşib
• Azərbaycanın trek yığması Avropa çempionatında iştirak edəcək
• Şose velosipedi üzrə ölkə çempionatının qalibləri müəyyənləşib
• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub