Güləş üzrə Azərbaycan millisinin sabiq baş məşqçisi Simeon Şterev koronavirusa yoluxub.

Apasport.az saytının məlumatına görə, Bolqarıstan güləşinin əfsanəsinin testi müsbət nəticə verib.

Bir neçə gün Şterevin oğlu Nikolay və həyat yoldaşı Mariya koronavirus üzündən xəstəxanaya yerləşdirilib. Mütəxəssisin özü isə 14 günlük karantinə alınmaqla evdə müalicə olunur. Şterev Bolqarıstan mətbuatına açıqlamasında bildirib ki, xəstəliyi yüngül şəkildə keçirir. Oğlu isə həkimə gec müraciət etdiyindən süni nəfəs aparatına qoşulub.

Qeyd edək ki, vaxtilə idmançı kimi Seul-1988 Olimpiadasının bürünc mükafatçısı olan bolqarıstanlı 2013-14-cü illərdə sərbəst güləş, 2014-18-cü illərdə qadın güləşi üzrə Azərbaycan millisinə rəhbərlik edib. O, ötən ildən Rusiya qadın güləşi yığmasında böyük məşqçi kimi işləyir.
 

• Formula-1: Azərbaycan Qran-prisinin vaxtı dəyişdirilib
• Bakıda Padel tennis üzrə beynəlxalq yarışın qalibləri mükafatlandırılıb
• ABŞ-də yaşayan azərbaycanlı peşəkar hokkeyçidən Bakıda ustad dərsi
• Anar Ələkbərov Beynəlxalq Avtomobil Federasiyasının Senatına üzv seçilib
• Azərbaycan Üzgüçülük Federasiyasında yeniliklər olub