Azərbaycan boksçusu Məhəmmədrəsul Məcidovun peşəkar rinqdə növbəti döyüşünün vaxtı və rəqibi müəyyənləşib.

Apasport.az saytının məlumatına görə, həvəskarlar arasında üçqat dünya çempionu növbəti sınağına aprelin 17-də çıxacaq.

Ağır çəkidə mübarizə aparan təmsilçimiz rusiyalı Andrey Fedosovla üz-üzə gələcək. Görüş ABŞ-ın Florida ştatında baş tutacaq.

Bu, indiyədək keçirdiyi hər üç görüşdə nokautla qalib gələn Məcidovun peşəkar karyerasında 4-cü qarşılaşma olacaq. Son dəfə ötən ilin noyabrında rinqə çıxan boksçu təxminən 5 aydan sonra gücünü sınayacaq. 

Qeyd edək ki, iki illik fasilədən sonra rinqə çıxacaq rusiyalının hesabında isə 31 qələbə və 3 məğlubiyyət var.
 

• Güllə atıcılığı üzrə Azərbaycan birinciliyinin qalibləri müəyyənləşib
• Azərbaycanın trek yığması Avropa çempionatında iştirak edəcək
• Şose velosipedi üzrə ölkə çempionatının qalibləri müəyyənləşib
• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub