Azərbaycan millisinin güləşçisi Səbirə Əliyeva Polşanın paytaxtı Varşavada keçirilən Avropa çempionatında çıxışını başa vurub. 

Apasport.az saytının məlumatına görə, 76 kq çəki dərəcəsində qüvvəsini sınayan idmançımız 3-cü yer uğrunda görüşdə fransalı Vanessa Veskanla üz-üzə gəlib. 

İlk qarşılaşmasında Epp Maeeyə (Estoniya) uduzan və rəqib finala yüksəldiyi üçün bürünc medal görüşünə çıxan təmsilçimiz yenə də məğlubiyyətə üzülüb. Veskan 13:0 hesabı ilə qalib gəlib. 

Qeyd edək ki, Avropa çempionatında qadın güləşçilərimizdən Mariya Stadnik (50 kq) çempion tituluna yiyələnib. Sərbəsrt güləşçilərimizdən Turan Bayramov (70 kq) gümüş, Əfqan Xaşalov (57 kq), Əli Rəhimzadə (65 kq) və Osman Nurməhəmmədov (92 kq) bürünc medal qazanıb. 

Həmçinin qadınların yarışında Tatyana Varansova (53 kq) və İrina Netreba (65 kq) sabah 3-cü yer uğrunda gücünü yoxlayacaq.
 

• Güllə atıcılığı üzrə Azərbaycan birinciliyinin qalibləri müəyyənləşib
• Azərbaycanın trek yığması Avropa çempionatında iştirak edəcək
• Şose velosipedi üzrə ölkə çempionatının qalibləri müəyyənləşib
• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub