Bolqarıstanın paytaxtı Sofiyada taekvondo üzrə Tokio Yay Olimpiya Oyunlarına lisenziya xarakterli Avropa Təsnifat Turniri davam edir. 

Apasport.az saytının məlumatına görə, bu gün yarışda Azərbaycan millisinin sonuncu idmançısı dayanq üzərinə çıxıb.

Yeganə təmsilçimiz Radik İsayev Olimpiadaya lisenziya qazana bilməyib. Beləliklə, Azərbaycan millisi Tokio-2020-yə 4 mümkün lisenziyadan ikisini qazanıb.

Kişilər
+80 kq
İlk mərhələdən azad olan Olimpiya çempionumuz Radik İsayev 1/4 finalda Miloş Pilipoviçə (Norveç) qalib gələn Miloş Qoluboviçlə (Serbiya) qarşılaşıb. İsayev rəqibini məğlub etməkdə çətinlik çəkməyib. O, 20:10 hesabı ilə qələbə qazanaraq, yarımfinala yüksəlib. Təəssüf ki, o, finala gedən yolda Deyan Georgiyevskiyə (Makedoniya) 6:13 hesabı ilə uduzub.

Qeyd edək ki, Tokio-2020-də taekvondo yığmamızı Fəridə Əzizova (67 kq) və Milad Beiqi Harçeqani (80 kq) təmsil edəcək.
 

• Azərbaycanın trek yığması Avropa çempionatında iştirak edəcək
• Şose velosipedi üzrə ölkə çempionatının qalibləri müəyyənləşib
• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub
• Şose velosipedi üzrə ölkə çempionatında ikinci günün qalibləri bəlli oldu - FOTO