Dubayda keçirilən Karate 1 Premyer Liqa turnirində Azərbaycan karateçisi Rafael Ağayev (75 kq) növbəti uğuruna imza atıb.

Apasport.az saytının məlumatına görə, 35 yaşlı idmançı turnirin qalibi olub.

Dəfələrlə dünya və Avropa çempionu olmuş Ağayev Dubay turnirinin final görüşündə italiyalı Luici Busaya 3:2 hesabı ilə qalib gələrək qızıl medal qazanıb.

Qeyd edək ki, turnirdə iştirak edən digər karateçimiz İrina Zaretska 67 kq çəki dərəcəsində bürünc medala yiyələnib.  "Əl Vasl" arenasında baş tutan nüfuzlu yarışda 85 ölkədən 571 karateçi mübarizə aparıb.

• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO
• Azərbaycan Üzgüçülük Federasiyası rekordçu Cəmil Əliyevə sertifikat təqdim edib