Əfsanəvi atleti Useyn Bolta məxsus rekordlardan biri qırılıb.

Apasport.az saytının məlumatına görə, onun yeniyetmələr arasında 200 metr məsafəyə qaçışda müəyyənləşdirdiyi göstəricini amerikalı Errion Nayton geridə qoyub.

17 yaşlı ABŞ təmsilçisi məsafəni 20,11 saniyəyə qət edib. Onun Ceksonvilldəki “Duval County Challenge” turnirindəki bu nəticəsi 18 yaşadək idmançılar üçün yeni dünya rekordu olub. Bolt 2003-cü ildə 20,13 saniyə nəticə göstərib.

Bir müddət öncə Nayton 100 m məsafədə 9,99 saniyə nəticəyə imza atıb. O, bu ay Tokio Yay Olimpiya Oyunlarına seçmə xarakterli yarışda da qüvvəsini sınayıb.
 

• Azərbaycanın trek yığması Avropa çempionatında iştirak edəcək
• Şose velosipedi üzrə ölkə çempionatının qalibləri müəyyənləşib
• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub
• Şose velosipedi üzrə ölkə çempionatında ikinci günün qalibləri bəlli oldu - FOTO