Şahmat tacı uğrunda matçın keçiriləcəyi yer yaxın bir həftə ərzində elan olunacaq.

Apasport.az saytının məlumatına görə, bunu FİDE-nin prezidenti Arkadi Dvorkoviç açıqlayıb.

O bildirib ki, dünya çempionu Maqnus Karlsenlə iddiaçılar turnirinin qalibi arasında görüşü ev sahibliyi etməyə iki namizəd var: “Matçın keçirilməsinə Dubay iddia edir. Həmçinin Argentinadan da marağı təsdiqləyən məktub var. Yaxın bir həftədə bununla bağlı qərar elan olunacaq”.

İddiaçılar turniri isə gələn il martın 15-dən aprelin 5-dək Rusiyanın Yekaterinburq şəhərində təşkil olunacaq. Burada qüvvəsini sınayacaq 8 qrossmeysterdən 7-si bəllidir.

Azərbaycan şahmatçısı Teymur Rəcəbovun rəqibləri Fabiano Karuana (ABŞ), Aniş Giri (Niderland), Din Lijen, Van Hao (hər ikisi Çin), Aleksandr Qrişuk, Yan Nepomnyaşi (hər ikisi Rusiya) olacaq. Sonuncu yerin sahibi isə təşkilatçıların xüsusi dəvətnaməsi ilə müəyyənləşəcək. “Vayt-kard”ın sahibi olmağa ən real namizəd rusiyalı Kirill Alekseyenko sayılır.
 

• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO
• Azərbaycan Üzgüçülük Federasiyası rekordçu Cəmil Əliyevə sertifikat təqdim edib