Rusiyanın Yekaterinburq şəhərində kişi boksçular arasında dünya çempionatı davam edir. 

APA-nın məlumatına görə, mundialın üçüncü günündə Azərbaycan millisinin daha bir üzvü mübarizəyə qoşulub. 

57 kq çəkidə qüvvəsini sınayan Tayfur Əliyev 1/32 final mərhələsində Tiaqo Puqno (İsveçrə) ilə üz-üzə gəlib. Döyüş təmsilçimizin asan qələbəsi ilə yekunlaşıb - 5:0 (30:27, 30:25, 30:26, 30:25, 30:26). 

T. Əliyev 1/16 finalda ilk mərhələdən azad olan türkmənistanlı Yazmurat Qurbanovla qarşılaşacaq. Görüş sentyabrın 15-də keçiriləcək. 

Qeyd edək ki, milli üzvlərindən Amin Kuşkov (75 kq) da 2 gün öncə ilk döyüşünü qələbə ilə başa vurub. 

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib