Niderland millisinin və İngiltərə “Liverpul”unun futbolçusu Vircil van Deykin AVRO-2020-də iştirakı ehtimalına aydınlıq gəlib.

Apasport.az saytının məlumatına görə, “narıncılar”ın baş məşqçisi Frank de Bur ötən ilin oktyabrında zədələnən mərkəz müdafiəçisinin durumunu izlədiyini açıqlayıb.

Təcrübəli mütəxəssis müdafiəçini yayda keçiriləcək qitə çempionatının ilk matçında meydanda olacağına ümidini gizlətməyib: “Əgər Vircilin durumunda ağırlaşma olmasa, həmçinin bərpa prosesi bir az sürətli sürsə, yığmanın AVRO-2020-dəki ilk qarşılaşmasında oynaya bilər”.

Qeyd edək ki, Niderland millisi koronavirus pandemiyasına görə 2020-ci ildən 2021-ci ilə təxirə salınan AVRO-2020-də ilk oyununu iyunun 13-də Ukraynaya qarşı keçirəcək.
 

• Güllə atıcılığı üzrə Azərbaycan birinciliyinin qalibləri müəyyənləşib
• Azərbaycanın trek yığması Avropa çempionatında iştirak edəcək
• Şose velosipedi üzrə ölkə çempionatının qalibləri müəyyənləşib
• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub