Robert Levandovski ardıcıl ikinci dəfə “Qızıl buts” qazanıb.

Apasport.az saytının məlumatına görə, “Bavariya”nın hücumçusu Almaniya çempionatının 34 oyununda 35 qol vurub.

70 xala malik polşalı hücumçu rəqiblərini böyük fərqlə üstələyib. PSJ-nin ulduzu Kilian Mbappe 28 qolla 56 xal toplayıb. Çiro İmmobile (“Latsio”) və Kərim Benzema (“Real”) hərəyə 27 topla 54 xal yığıb.

Qeyd edək ki, Robert ötən mövsüm 41 qolla (82 xal) “Qızıl buts” qazanmışdı.