Misli Premyer Liqasının III turundan təxirə salınmış "Zirə" - "Araz-Naxçıvan" matçından (0:1) sonra qonaqların baş məşqçisi Elmar Baxşıyevin mətbuat konfransı keçirilib.

"Oyun düşündüyümüz kimi ağır alındı. Hər iki komanda meydanda yaxşı mübarizə apardı. Yolumuza davam edirik, qarşıdakı oyuna hazırlaşacağıq. Komandama təşəkkür edirəm, uşaqlar yaxşı performans göstərdilər. Zədəli futbolçularımız bizə qoşulandan sonra daha yaxşı oyun nümayiş etdirəcəyik".

- Komandanız ikinci hissədə daha yaxşı oyun göstərdi. Planınız belə idi?
- Çalışırıq ki, heç bir rəqibə qarşı ikinci nömrə ilə oynamayaq. Bizim öz dəst-xəttimiz var. İkinci hissədə hücumda kreativliyi artırdıq.

- Qara Qarayevin performansını necə dəyərləndirirsiz?
- Sərəncamımda olan bütün futbolçulara güvənirəm, o cümlədən Qaraya da. Biz klub olaraq ona dəstək oluruq. Qara da bu dəstəyi qaytarmalıdır. O, böyük xaraktera sahib olan futbolçudur. Qara bu gün komandanın bir parçası idi. Getdikcə daha yaxşı olacaq.

- Bəxtiyar Həsənalızadənin durumu necədir?
- Mikro zədəsi var. Qarşıdakı günlərdə dəqiq biləcəyik.

- Avrokuboklara vəsiqə qazanmaq şansınızı necə dəyərləndirirsiz?
- Çoxları bizi aşağı pillələrdə görürdü. Amma bu, komandanın maksimumu deyil. Qarşıdakı rəqibi düşünürük. Avrokuboklara vəsiqə qazansaq, yaxşı olar.

• "Bodo-Qlimt" "Qarabağ" azarkeşləri üçün 400 yer ayırıb
• İsveç yığmasının heyəti məlum olub
• Adil Şükürov: "Qarabağ"ın geridönüşü möhtəşəm olacaq"
• Tahir Süleymanov: "Qarabağ" bu şansı dəyərləndirməlidir"
• Azərbaycan liqalarının oyunları təxirə salınır - ÖZƏL