Argentina yığmasının baş məşqçisi Xorxe Sampaoli Xorvatiya ilə oyunun (0:3) yekunlarını dəyərləndirib. Apasport.az saytının məlumatına görə, argentinalı mütəxəssis məğlubiyyətə görə azarkeşlərdən üzr istəyib.

“Azarkeşlərdən üzr istəyirəm. Bu nəticəyə görə mən məsuliyyət daşıyıram. Çox üzgünəm, məğlubiyyəti qəbul etmək mənim üçün ağırdı. Xorvatlara qarşı gücümüzü göstərmək şansımız olmadı” – deyə, o bildirib.

Sampaoli komandada Messinin özünü nümayiş etdirə bilməsi üçün normal mühit formalaşdıra bilmədiklərini də sözlərinə əlavə edib: “Messi bu komandanın kapitanıdı, lideridi. Onun rahat futbolunu oynaması üçün yaxşı şərait yarada bilmədik”.

Qeyd edək ki, iki turdan sonra Argentina millisinin aktivində 1 xal var.

• “Ganja Cup” üzgüçülük yarışı ikinci dəfə keçiriləcək
• AMADA-nın yeni antidopinq qaydaları WADA ilə razılaşdırılıb
• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb