Millimizdən gözlənilən SIÇRAYIŞ
23.09.2022 - 13:51
Millimizdən gözlənilən SIÇRAYIŞ

Azərbaycan millisi FİFA reytinqində xal hesabını artırıb.

Apasport.az saytının məlumatına görə, buna Slovakiya ilə dünənki oyun səbəb olub.

Canni de Byazinin yetirmələri Millətlər Liqasının V turunun səfər matçında 2:1 hesabı ilə qələbə qazanıb. Bu, komandamızın aktivinə 11,5 xal gətirib.

Ötən reytinq siyahısında 1127,17 xalla dünyanın 128-cisi olan millimiz hesabını 1138,67-yə çatdırıb. FİFA-nın rəsmi cədvəli gələn ay açıqlanacaq. Canlı siyahıda isə yığmamız 5 addım irəliləyib.

Bu sıçrayışın rəsmiləşməsi qarşıdakı günlərdə baş tutacaq matçlardan asılıdır. Millimizin özü də Qazaxıstanla ev sınağında uduzmasa, aktivini daha da zənginləşdirəcək.

Qeyd edək ki, Azərbaycan – Qazaxıstan matçı sentyabrın 25-də baş tutacaq.
 

0
DİGƏR XƏBƏRLƏR
Loading...