AVRO-2020-nin A qrupunun ən dəyərli və ən gənc komandası müəyyənləşib.

Apasport.az saytının məlumatına görə, oyunlarının Roma və Bakıda baş tutacağı qrup iştirakçılarından İtaliya ən “qoca” yığma sayılır.

Qrup matçlarını Romada keçirəcək “Skuadra Adzurra”nın oyunçularının orta yaş həddi 27,3-dür. Qrupun ən gənc komandası Uels sayılır – 25,4 yaş. Türkiyə yığmasında futbolçuların orta yaş həddi 25,4-dırsa, İsveçrədə bu rəqəm 26,5-ə bərabərdir.

A qrupunun ən dəyərlisi isə təbii ki, İtaliya millisidir. Roberto Mançininin yetirmələrinin ümumi transfer qiyməti 919 milyon avrodur. Maraqlıdır ki, digər 3 yığmanın ümumi dəyəri İtaliyadan aşağıdır. Türkiyədə oyunçuların qiyməti 335,6 milyon, İsveçrədə 303,6 milyon, Uelsdə isə 186,8 milyon avro kimi göstərilib.

Qeyd edək ki, AVRO-2020-nin açılış matçı iyunun 11-də Romada İtaliya ilə Türkiyə arasında keçiriləcək. İyunun 12-də Uels – İsveçrə, 16-da Türkiyə - Uels, 20-də isə İsveçrə - Türkiyə görüşü Bakıda oynanılacaq.
 

• Azərbaycanın trek yığması Avropa çempionatında iştirak edəcək
• Şose velosipedi üzrə ölkə çempionatının qalibləri müəyyənləşib
• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub
• Şose velosipedi üzrə ölkə çempionatında ikinci günün qalibləri bəlli oldu - FOTO