Vaqif Cavadova təhlükə, Qurban Qurbanovda böyük üstünlük
14.06.2022 - 10:51
Vaqif Cavadova təhlükə, Qurban Qurbanovda böyük üstünlük

Azərbaycan millisinin bombardirləri siyahısında dəyişikliklər olub.

Apasport.az saytının məlumatına görə, buna səbəb Belarusla Millətlər Liqasının oyunudur.

2:0 hesabı ilə qalib gələn yığmamızda Mahir Emreli və Ramil Şeydayev fərqlənib. Hər iki hücumçu komandanın ən yaxşı bombardirləri siyahısındadır.

Ramil millidə 8-ci qoluna imza atıb. O, bu rəqəmə 48-ci matçında çatıb.

Rusiya futbolunun yetirməsi olan soydaşımız bu göstəricidə 3-cü sıraya şərik olub. O, Emin Mahmudovla Dmitri Nazarova çatıb.

Ramili, həmçinin eyni sayda qol vuran digər iki oyunçunu ikinci sıradakı Vaqif Cavadovdan bir qol ayırır. Mövqeyini itirmək təhlükəsi ilə üz-üzə qalan sabiq hücumçudan fərqli Qurban Qurbanovun liderliyi üçün hələ arxayın ola bilər. O, karyerasını davam etdirənlər arasında ən yaxşı olan Ramil, Emin, Dmitri “üçlüy”ündən 6 top öndədir.

36-cı dəfə milli forma geyinən Mahir isə yubiley qoluna sevinib. O, yığmada 5-ci dəfə rəqib qapısına yol tapıb.

Mahir millidə 5 və daha çox qol vuran 17-ci oyunçudur. O, eyni sayda fərqlənən digər 7 futbolçu ilə yanaşı 10-cu yerə şərikdir.

1. Qurban Qurbanov - 14
2. Vaqif Cavadov - 9
3-5. Emin Mahmudov - 8
 Dmitri Nazarov - 8
 Ramil Şeydayev - 8
6-8. Branimir Subaşiç - 7
 Elvin Məmmədov - 7
 Rauf Əliyev - 7
9. Zaur Tağızadə - 6
10-17. Əfran İsmayılov - 5
 Fərrux İsmayilov - 5
 Nazim Süleymanov - 5
 Rəşad Sadıqov - 5
 Rüfət Dadaşov - 5
 Vidadi Rzayev - 5
 Vyaçeslav Lıçkin - 5
 Mahir Emreli - 5
 

0
DİGƏR XƏBƏRLƏR
Loading...