Ötən il iyunda Bakıda keçirilən Avropa Oyunları zamanı yaradılan Atletlər kəndində baş vermiş avtobus qəzası ilə bağlı təqsirləndirilən şəxslərin cinayət işi üzrə ibtidai istintaq yekunlaşaraq baxılması üçün məhkəməyə göndərilib. APA-nın məlumatına görə, cinayət işi Bakı Ağır Cinayətlər Məhkəməsinin hakimi Cavid Hüseynovun icraatına verilib.

İş üzrə məhkəmə prosesi bu gün keçiriləcək.

Qeyd edək ki, 2015-ci il iyun ayının 11-də, saat 8.30-da, I Avropa Oyunlarının Atletlər kəndinin nəqliyyat deposunda, “Bakubus” Məhdud Məsuliyyətli Cəmiyyətə məxsus avtobus hərəkət zolağından çıxaraq piyadalar üçün səki ilə gedən Avstriyanın sinxron üzgüçülük üzrə yığma komandasının üzvləri Vanessa Sahinoviçə və Luna Pacerə bədən xəsarətləri yetirib.

Hadisədən sonra avtobusun sürücüsü Vəli Əhmədov, Nəqliyyat Nazirliyinin Dövlət Avtomobil Nəqliyyatı Xidmətinin şöbə rəisi Hüseyn Salamov və Elçin Həsənov adlı şəxs tutulub.

• “Bakı-Xankəndi” veloyarışı: İkinci mərhələnin qalibləri mükafatlandırılıb
• “Bakı-Xankəndi” veloyarışı: İkinci mərhələ başa çatdı
• Bakı-Xankəndi velosiped yarışında 2-ci mərhələyə start verilib - FOTO
• “Bakı-Xankəndi” veloyarışı: İlk mərhələ başa çatdı
• Heydər Əliyev zirvəsinə ənənəvi yürüş təşkil olunub