Avstriyanın İnnsbruck şəhərində taekvondo üzrə təşkil edilən ənənəvi “Austrian Open” turniri başa çatıb. Taekvondo Federasiyasından apasport.az saytına verilən məlumata görə, G1 dərəcəli yarışda ölkəmizi yeniyetmələrdən ibarət milli komandamız təmsil edib.

Yarışa 26 taekvondoçu ilə qatılan yığmamız aktivinə 2 gümüş və 3 bürünc medal yazıb. Belə ki, Səbuhi Zülfüqarovun rəhbərlik etdiyi komandamızın heyətində Şirin Məmmədov (53 kq) və Minayə Əkbərova (29 kq) yalnız final döyüşündə məğlub olaraq, fəxri kürsünün ikinci pilləsində yer alıblar. Millimizin digər üzvlərindən İkram Hüseynov (61 kq), Mehdi Tağıyev (65 kq) və Diana Hacıəliyeva (44 kq) isə mübarizəni yarımfinal mərhələsində başa vuraraq, bürünc medalla kifayətləniblər.

Qeyd edək ki, taekvondoçularımız vətənə sabah dönəcəklər.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib