[b]“Bu qələbə çox vacib idi”[/b]

15.08.2015 - 09:06

Qəbələdə keçirilən stend və güllə atıcılığı üzrə Dünya Kubokunun qalibi olan yaponiyalı Yuki Nakayama gələn il Braziliyanın Rio-de-Janeyro şəhərində təşkil olunacaq Olimpiya oyunlarına lisenziya qazanıb. Apasport.az saytının məlumatına görə, qadınların stend atıcılığının trap növündə hamıdan güclü olan asiyalı qızıl medal qazandıqdan sonra yarış haqda fikirlərini açıqlayıb.

O, Qəbələdə əldə olunan uğurun vacibliyini qeyd edib: “Olimpiya Oyunlarına lisenziya qazandım. Bunun üçün çox xoşbəxtəm. Buna Qəbələdə keçirilən Dünya Kubokunda nail olmağım çox vacib idi. Məni dəstəkləyənlərin hamısına təşəkkür edirəm. Şadam ki, onları qələbəylə sevindirə bildim”