“Final döyüşüm çox çətin keçdi”. Apasport.az saytının məlumatına görə, bu sözləri taekvondo yığmamızın üzvü Ayxan Tağızadə deyib.

IV İslam Həmrəyliyi Oyunlarında 68 kq çəki dərəcəsində mübarizə aparan idmançımız qızıl medal qazanıb. Tağızadə həlledici görüşdə İran təmsilçisi Seyidhüseyn Ehsanipetrudini böyük çətinliklə (9:7) məğlubiyyətə uğradıb.

Bununla bağlı danışan Ayxan final qarşılaşmasının çətin keçdiyini etiraf edib: “Son rəqibim iranlı idi. Bilirsiniz ki, taekvondoda iranlılar bizim kimi güclüdülər. Bir anlıq səhv etdim, lakin şükürlər olsun, qalib gəldim”.

Tağızadə İslamiadadakı qələbəsini anasına həsr etdiyini bildirib: “Mənim ən böyük fanatım anamdı, medalı ona həsr edirəm. Anam bütün yarışlarıma baxır. Hətta kiminlə qarşılaşacağımı məndən əvvəl bilir. Müəllimlərimə, şəxsi müəllimim olan atam Əvəz Tağıyevə, qardaşım Fərid Tağızadəyə də təşəkkürümü bildirirəm”.

• III Xankəndi Ultramarafonu: İlk mərhələnin qalibləri bəlli olub
• Azərbaycan və Rusiya milliləri Bakıda birgə toplanış keçir
• Bakı-Xankəndi Azərbaycan Velosiped Yarışının 2027-ci il tarixi açıqlanıb
• MOK-da Belarus Olimpiya Komitəsinin prezidenti ilə ikitərəfli tərəfdaşlıq müzakirə olunub
• Azərbaycan Qran-prisi rekordlarla yadda qalıb - FOTO