Türkiyənin Antalya şəhərində şahmat üzrə klublararası Avropa çempionatı davam edir. Apasport.az saytının məlumatına görə, yarışın dördüncü turunda Azərbaycan komandaları növbəti qələbələrini qazanıblar.

Kişilərdən ibarət “Odlar Yurdu” ardıcıl 4-cü qələbəsini qazanıb. Komandamız Hollandiya “Leyden”ini 5:1 hesabı ilə məğlub edib. Şahmatçılarımız bu gün Şəhriyar Məmmədyarovun da yer aldığı Rusiya “Qlobus”u ilə üz-üzə gələcəklər.

Qadınlardan ibarət “Odlar Yurdu” isə Türkiyənin “Anatoliya” klubuna qalib gəlib. Bu qələbə təmsilçimizi yenidən liderlər qrupuna qaytarıb. Onlar bu gün Rusiya “Legacy Square”si ilə qarşılaşacaqlar.

IV tur

“LEYDEN” (Hollandiya) – “ODLAR YURDU” - 1:5
Yan Sprenqer (2513) – Arkadi Naydiç (2702) - 0,5:0,5
Artur Piypers (2465) – Rauf Məmmədov (2678) - 0,5:0,5
Edvin Van Haastert (2447) – Qadir Hüseynov (2647) - 0:1
Kasper Şoppen (2440) – Eltac Səfərli (2632) - 0:1
Elke Viersma (2341) – Nicat Abbasov (2587) - 0:1
Martin Robol (2289) – Azər Mirzoyev (2555) - 0:1

Turnir cədvəli: 1. “Qlobus” (Rusiya), 2. “Odlar Yurdu” (Azərbaycan) – hər ikisi 8 xal, 3. “Legacy Square” (Rusiya) - 7 xal.

“ODLAR YURDU” – “ANATOLİYA” (TÜRKİYƏ) - 2,5:1,5
Zeynəb Məmmədyarov (2298) – Yekaterina Atalik (2468) - 0,5:0,5
Ülviyyə Fətəliyeva (2348) – Betul Yıldız (2350) - 1:0
Xanım Balacayeva (2319) – Xəyalə İsgəndərova - 1:0
Aydan Höccətova (2341) – Caqil Arda - 0:1

Turnir cədvəli:  1. “Legacy Square” (Rusiya), 2. “Nona” (Gürcüstan), 3. “Odlar Yurdu” (Azərbaycan), 4. “Bossa Nova” (Belarus) - hamısı 6 xal. 

• Bakıda keçirilən üzgüçülük üzrə Dünya Kubokunda rekord
• Bakıda dünyanın ikinci ən böyük qapalı xizək mərkəzi fəaliyyətə başlayıb
• Azərbaycan üzgüçüləri "İpək Yolu" Dünya Kubokunda ölkə rekordlarını yeniləyiblər
• Rüfət Efendiyev Avropa Şurasının antidopinq iclasında iştirak edib
• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər