Azərbaycan Güləş Federasiyası daha bir idmançının milliləşdirmə prosesini yekunlaşdırıb. Apasport.az saytının məlumatına görə, bolqarıstanlı Elis Manolova bundan sonra yığmamızın uğurları üçün çalışacaq.

Belə ki, artıq 1 ilə yaxındı ölkəmizdə hazırlıq keçən 19 yaşlı güləşçi komandamızda debüt etməyə hazırlaşır. Bolqarıstanlı həmkarlarımızın yazdıqlarına əsasən, dünya birinciliyində 5-ci olan Manolovanın Azərbaycan vətəndaşlığını qəbul etməsində qadınlardan ibarət yığmamızın baş məşqçisi Semyon Şterevin də rolu danılmazdı.

Bolqarıstanlı mütəxəssis, həmçinin Elisin şəxsi çalışdırıcısı və vətənində yığmanın sabiq məşqçilərindən olan atası Filip Manolovu da ölkəmizə gətirir. Onun əsas komandamızda Şterevin köməkçilərində olacağı istisna edilmir.  

Amma maraqlıdı ki, Manolovlar ailəsinin ən titullu idmançısı – Canan isə Azərbaycan bayrağı altında çıxış etməyəcək. Dünya və Avropa çempionatının mükafatçısı Bolqarıstan millisində çıxışını davam etdirməyə qərar verib. 

• Bakıda keçirilən üzgüçülük üzrə Dünya Kubokunda rekord
• Bakıda dünyanın ikinci ən böyük qapalı xizək mərkəzi fəaliyyətə başlayıb
• Azərbaycan üzgüçüləri "İpək Yolu" Dünya Kubokunda ölkə rekordlarını yeniləyiblər
• Rüfət Efendiyev Avropa Şurasının antidopinq iclasında iştirak edib
• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər