Azərbaycan millisinin badmintonçuları İranın Zəncan şəhərində startı verilən "İran Fajr challenge" turnirində iştirak edib. Badminton Federasiyasından apasport.az saytına verilən məlumata görə, təmsilçilərimizdən Teymur Abbasov iranlı Parsa Şahbaziyə 0:3 hesabı ilə məğlub olub.

Cahid Əlhəsənovla yerli idmançı Farbod Yasaminin görüşü isə gərginliyi ilə seçilib. Badmintonçumuz 2 setdə rəqibindən üstün olsa da, yekunda 2:3 hesabı ilə uduzub. Kənan Rzayevlə Möhsen Masoumitəbərzəncaninin görüşündə də qalib son anda müəyyənləşib. İranlı idmançı 5 setin yekununda 3:2 hesablı qələbə qazanıb.

Digər badmintonçumuz Səbuhi Hüseynov iranlı idmançı Əlirza Kərəmiyə 0:3 hesabı ilə məğlub olub. Orxan Qələndərov isə Məhəmmədəmin Əliəkbərianla görüşdə mübarizəni dayandırıb. İranlı idmançı təmsilçimiz üzərində 3:1 hesablı qələbə qazanıb.

Badmintonçularımızın qoşa yarışlarda da rəqibləri iranlı idmançılar olub. Teymur Abbasovla Cahid Əlhəsənov qoşa yarışlarda iranlı Həsən Motagi və Mehran Şahbazi cütünə 0:3 hesabı ilə məğlub olub. Orxan Qələndərov Kənan Rzayev cütü isə Məhəmmməd Pəirəvand Seyid Armin Zəkizadə tandeminə 1:3 hesabı ilə məğlub olub.

• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib
• “Azərlotereya” çempion axtarır!
• Azərbaycan millisi Zaqatalada toplanışa start verdi
• "Qarabağ Mechack 9030" komandasından uğurlu nəticələr
• Azərbaycan Kamandan Oxatma Federasiyasında idmançılara yeni idman dərəcələri təqdim edilib