Qatarın paytaxtı Dohada boks üzrə dünya çempionatı davam edir. Apasport.az saytının məlumatına görə, 4 boksçumuzun yarımfinala çıxdığı turnirdə təmsilçilərimizdən biri döyüşə çıxıb.

Dünən axşam saatlarında rinqə çıxan, 91 kq-da mübarizə aparan Abdulqadir Abdullayev kubalı rəqibi Erislandi Savona məğlub olub – 0:3.

Daha üç boksçumuz isə bu gün final uğrunda görüşə çıxacaqlar.

52 kq çəki dərəcəsində döyüşən Elvin Məmişzadə Əlcəzair təmsilçisi Mohammed Flissi ilə qarşılaşacaq.

60 kq-dakı təmsilçimiz Albert Səlimov isə braziliyalı Robson Donato ilə münasibətlərinə aydınlıq gətirəcək.

69 kq üzrə isə Pərviz Bağırov qazaxıstanlı Daniyar Elesuinov ilə döyüşəcək.

• “Neftçi” yeni loqosunu təqdim edib
• Jurnalistlər arasında kamandan oxatma yarışı keçirilib - FOTO
• Zərdab, Ucar və Kürdəmirdə yeni "Sağlam məhəllə" idman zonaları istifadəyə verilib
• MOK-un nümayəndəsi Günay Əsgərova Birmingemdə IWG Qlobal Sammitində iştirak edib
• İdmançımız Bolqarıstanda gümüş medal qazanıb