Dohada şahmatçılar arasında keçirilən “Qətər Masters Open” turniri davam edir. Apasport.az saytının məlumatına görə, turnirdə Azərbaycanı təmsil edən Şəhriyar Məmmədyarov 5-ci turda Rusiya təmsilçisi Denis Xismatullinlə qarşılaşıb.

Ağ fiqurlarla oynayan qrossmeysterimiz bu partiyadan qalib ayrılaraq, turnir cədvəlinin ikinci pilləsinə yüksəlib. O, 4 xal toplayıb və lider Maqnus Karlsendən sadəcə yarım xal dala qalır.

Bu gün turnirdə istirahət günü olduğundan 6-cı turun oyunları sabah keçiriləcək. Şəhriyar Məmmədyarovun növbəti rəqibi isə digər rus şahmatçısı Vladimir Kramnik olacaq.

Qeyd edək ki, Şəhriyar kimi Kramnikin də 5 turdan sonra 4 xalı var. 

• “Neftçi” yeni loqosunu təqdim edib
• Jurnalistlər arasında kamandan oxatma yarışı keçirilib - FOTO
• Zərdab, Ucar və Kürdəmirdə yeni "Sağlam məhəllə" idman zonaları istifadəyə verilib
• MOK-un nümayəndəsi Günay Əsgərova Birmingemdə IWG Qlobal Sammitində iştirak edib
• İdmançımız Bolqarıstanda gümüş medal qazanıb