Finlandiyada keçirilən fiqurlu konkisürmə üzrə dünya çempionatı Azərbaycan idmançıları üçün başa çatıb. Apasport.az saytının məlumatına görə, yarışın 3-cü günündə buz üstdə rəqslər üzrə qısa proqrama yekun vurulub.

Ölkəmizi təmsil edən Anastasiya Qalyeta və Avidan Braun cütünün çıxışı 45,58 xala layiq görülüb. İdmançılarımız 32 duet arasında 31-ci yeri tutub. Həlledici mərhələ sayılan sərbəst rəqslərə yalnız 20 cüt çıxdığından idmançılarımız mundialla vidalaşıb.

Bunadək isə kişilərin yarışındakı təmsilçimiz Larri Loupolover uğursuzluğa düçar olmuşdu. Qışa proqramdakı çıxışı 38,97 xalla dəyərləndirilən idmançımız 36 iştirakçı arasında sonuncu yeri tutub. Sərbəst proqramda çıxış hüququ isə yalnız 24 idmançıya verilib.

• "Formula 1" üzrə Azərbaycan Qran-prisi üçün yeni tribunalar salınır
• Everest qalmaqalı: Zirvəni fəth edən ilk azərbaycanlı qadın kimdir?
• Anyma Formula 1 Azərbaycan Qran-Prisində çıxış edəcək
• Dünya Kubokunda medal qazanmış parapauerliftinqçilərlə görüş keçirilib
• Azərbaycan velosipedçisi Qazaxıstanda daha bir medal qazanıb