Rusiyanın paytaxtı Moskvada keçiriləcək Mixael Talın xatirəsinə həsr olunmuş beynəlxalq turnirin iştirakçılarının tam siyahısı açıqlanıb. Apasport.az saytının məlumatına görə, sayca 10-cu dəfə təşkil ediləcək ənənəvi yarışa Azərbaycan millisinin lideri Şəhriyar Məmmədyarov da dəvət alıb.

Turnirdə həmyerlimizin rəqibləri Vladimir Kramnik (2808), Pyotr Svidler (2745), Yan Nepomnyaşi (2740), Yevgeni Tomaşevski (hamısı Rusiya, 2431), Levon Aronyan (Ermənistan, 2795), Vişvanatan Anand (Hindistan, 2776), Aniş Qiri (Hollandiya, 2755), Li Çao (Çin, 2746) və Boris Qelfand (İsrail, 2743) olacaqlar.

9 turdan ibarət olacaq yarış sentyabrın 26-da başlayacaq və oktyabrın 6-da bitəcək. Turnirin ümumi mükafat fondu 200 min dollardı.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib