Taekvondoçu kişilərdən ibarət Azərbaycan millisi dekabrın 1-də Meksikaya yollanacaq. Taekvondo Federasiyasından apasport.az saytına verilən məlumata görə, səfərin məqsədi paytaxt Mexikoda keçiriləcək Qran-Pri turnirinin final mərhələsində və Dünya Kubokunda çıxış etməkdi.

Dekabrın 5-6-na təsadüf edəcək həlledici döyüşlərdə Azərbaycan dünya və Avropa çempionu Radik İsayevlə təmsil olunacaq. O, final mərhələsində +80 kq çəki dərəcəsində qüvvəsini sınayacaq.

Bu turnirdən 1 gün sonra Dünya Kubokunun startı veriləcək. Dekabrın 8-9-da olacaq yarışa, baş məşqçi Reza Mehmandosut və böyük məşqçi Elnur Amanovun yetirmələrindən İsayev, həmçinin Məhəmməd Məmmədov (58 kq), Sina Bahrami (63 kq), Ayxan Tağızadə (68 kq), Səid Quliyev (74 kq) və Milad Beigi Harçeqani (80 kq) də qatılacaq.

Qeyd edək ki, yarışlarda ölkəmizi hakim qismində Oh Kvanq Çeol təmsil edəcək. Azərbaycan Taekvondo Federasiyasının (ATF) vitse-prezidenti Niyaməddin Paşayevin rəhbərliyi ilə Mexikoya yollanacaq komandamız dekabrın 13-də vətənə dönəcək.

• Dağ velosipedi üzrə Azərbaycan Kubokunun 3-cü mərhələsinə yekun vurulub
• Azərbaycanla Belarus arasında idman memorandumu
• III Xankəndi Ultramarafonuna yekun vurulacaq
• Kamandan oxatma üzrə Azərbaycan Superkuboku keçiriləcək
• Asunsion Loriyente Bakıda Azərbaycan Su İdmanı Federasiyasının fəaliyyəti ilə tanış olub