Bu gün Londonda velosiped idmanının trek növü üzrə Dünya Kubokunun 2-ci mərhələsinə start verilib. Apasport.az saytının məlumatına görə, planetin 38 ölkəsindən olan idmançıların mübarizə apardığı yarışa Azərbaycan yığması 3 velosipedçi ilə qatılıb.

Təmsilçilərimizdən mübarizəyə ilk olaraq Yelena Pavluxina qoşulacaq. O, bu gün 10 km məsafəyə skretç yarışında çıxış edəcək. Mübarizəyə Bakı vaxtı ilə saat 19.40-da start veriləcək.

Pavluxina həmçinin sabah qrup ötüşməsində də çıxış edəcək.

Digər 2 idmançımıza gəlincə, Olqa İsmayılova sabah 200 metr məsafəyə sprint yarışında, dekabrın 7-də isə kehrində mübarizə aparacaq.

Sergey Omelçenkoya gəlincə, o sabah kehrin yarışında çıxış edəcək. Dünya Kubokuna dekabrın 7-də yekun vurulacaq.

• "Bildiyimiz bir şey var idi: Bura Qarabağdır, bura bizimdir və biz bu torpaqları geri qaytarmalıyıq"
• “Gözünüz aydın, kişilər, müharibə bitdi” – Daşqın Əzizin müharibə xatirələri
• Fikrət Hüseynov UCI-nın Konqresində iştirak edib
• AMADA oxatanlar üçün maarifləndirici seminar keçirib
• Formula 1 Azərbaycan Qran-Prisinin ilk günü - FOTOLENT