İspaniyanın Tarraqona şəhərində Avropa Olimpiya Komitəsi İcraiyyə Komitəsinin iclasında və seminarında Azərbaycan nümayəndə heyəti iştirak edəcək

May 18-21-də İspaniyanın Tarraqona şəhərində Avropa Olimpiya Komitəsi (AOK) İcraiyyə Komitəsinin iclası və 37-ci seminarı keçiriləcək. Milli Olimpiya Komitəsindən (MOK) apasport.az saytına verilən məlumata görə, tədbirdə Azərbaycanı MOK-un vitse-prezidenti Çingiz Hüseynzadə və Beynəlxalq Əlaqələr İdarəsinin rəisi Anar Bağırov təmsil edəcəklər.

Mayın 19-da AOK-nin İcraiyyə Şurasının üzvü olan Çingiz Hüseynzadə adı çəkilən təşkilatın İcraiyyə Şurasının iclasına da qatılacaq. Növbəti 2 gündə isə AOK-nin seminarı çərçivəsində Yay Olimpiya Oyunları (əsas və yeniyetmələr) haqqında hesabat olacaq. Tədbir çərçivəsində Atletlər komissiyaların iclasının keçirilməsi də nəzərdə tutulur.

Qeyd edək ki, iclasda 38-ci seminarının keçiriləcəyi ölkənin adı da açıqlanacaq.

• İdmançılarımız Avropa Yay Olimpiya Festivalına hazırlaşırlar
• AzVİF-lə Elm və Təhsil Nazirliyinin əməkdaşlığı çərçivəsində yeni layihəyə start verilib - FOTO
• Azərbaycan və Polşa arasında antidopinq sahəsində əməkdaşlığın perspektivləri müzakirə olunub
• Millidən yeni rekord: Yığma dünya reytinqində 27-ci sıraya yüksəlib
• Şose velosipedi üzrə Azərbaycan çempionatı start götürüb