Azərbaycan millisinin daha bir cüdoçusu Qazaxıstanın paytaxtı Astanada keçirilən dünya çempionatında çıxışını başa vurub. Apasport.az saytının məlumatına görə, yarışda yalnız “Neftçi İdman klubu” ilə təmsil olunan yığmamızın üzvü Məmmədəli Mehdiyev

 90 kq çəki dərəcəsində qüvvəsini sınayıb.

Mübarizəyə 1/32 finaldan başlayan idmançımız kamerunlu Diedoun Dolessamı ipponla məğlub edib. Növbəti qarşılaşmada serbiyalı Aleksandar Kukoljla üz-üzə gələn təmsilçimiz xal hesabı ilə uduzub. Bununla da Məmmədli 1/8 finala yüksələ bilməyərək çıxışını başa vurub. O, belə uğursuzluq yaşayan 4-cü təmsilçimiz olub.

Qeyd edək ki, Nicat Şıxaəlizadə və Hidayət Heydərov (66 kq), həmçinin Hüseyn Rəhimlinin (73 kq) də uğursuz çıxış etdiyi çempionatda daha iki təmsilçimiz tatami üzərinə çıxacaq. Bunlar 100 kq çəki dərəcəsində çıxış edən Elmar Qasımov və Elxan Məmmədovdu.

• Sahib Ələkbərov: "Əsas məqsədimiz velosiped idman növünü inkişaf etdirməkdir"
• Azərbaycan qadın atıcıları Avropa Çempionatında bürünc medal qazandı
• “Bakı-Xankəndi” veloyarışı: İkinci mərhələnin qalibləri mükafatlandırılıb
• “Bakı-Xankəndi” veloyarışı: İkinci mərhələ başa çatdı
• Bakı-Xankəndi velosiped yarışında 2-ci mərhələyə start verilib - FOTO