Azərbaycanlı şahmatçı Şəhriyar Məmmədyarovun atası Həmid Məmmədyarov "Shamkir Chess 2014" turnirinin rəsmi saytına müsahibə verib. Apasport.az saytının məlumatına görə, o, turnirin təşkilatçılığını yüksək qiymətləndirib: "Şəmkirə gəlməyim 3-cü tura təsadüf etdi. İnanın, gördüyümdən təəccübləndim. Şəmkirdə yaradılan şərait hətta nüfuzlu Veyk-An-Zee turnirindən yüksəkdir. Şahmatçıların istədikləri bütün şərtlər yerinə yetirilib. Sadəcə şahmat oynamaq lazımdır. Azərbaycanda şahmat üzrə keçirilən ən böyük turnirdir. Arzum odur ki, yarış ənənəvi olsun. Oğlum Şəhriyarın çıxışına gəldikdə, doğma meydanda mübarizə aparmaq hər zaman məsuliyyətdir. Ona görə bir qədər çətindir. İnanıram ki, son turları daha yaxşı səviyyədə keçirəcək".

• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub
• AMADA Londonda keçirilən beynəlxalq konfransda təmsil olunub
• "İpək Yolu" Dünya Kubokunun rəsmi maskotları təqdim olunub
• "Bildiyimiz bir şey var idi: Bura Qarabağdır, bura bizimdir və biz bu torpaqları geri qaytarmalıyıq"