Portuqaliyanın Odivellas şəhərində 2016 Rio-de-Janeyro Yay Paralimpiya oyunlarına son reytinq xalı qazandıran Avropa çempionatı keçirilib. Apasport.az saytının məlumatına görə, yarış Azərbaycan idmançıları üçün uğurlu olub.

Cüdoçularımız qitə çempionatında 3 qızıl, 3 gümüş və 1 bürünc medal qazanıblar.

İlham Zəkiyev, Bayram Mustafayev və Ramil Qasımov qızıl, Ramin İbrahimov, Rövşən Səfərov, Səbinə Abdullayeva gümüş, Afaq Sultanova isə bürünc medal qazanıb.

Beləliklə Azərbaycan cüdoçuları Paralimpiya oyunlarına 7 lisenziya əldə ediblər.

Əlavə olaraq qeyd edək ki, İlham Zəkiyev bu nəticə ilə artıq 6-cı dəfə Avropa çempionu adına layiq görülüb.

• “Neftçi” yeni loqosunu təqdim edib
• Jurnalistlər arasında kamandan oxatma yarışı keçirilib - FOTO
• Zərdab, Ucar və Kürdəmirdə yeni "Sağlam məhəllə" idman zonaları istifadəyə verilib
• MOK-un nümayəndəsi Günay Əsgərova Birmingemdə IWG Qlobal Sammitində iştirak edib
• İdmançımız Bolqarıstanda gümüş medal qazanıb