Cənubi Koreyada Munqyeonq şəhərində keçirilən Hərbiçilərin VI Dünya Oyunlarında Azərbaycan taekvondoçuları da mübarizə aparacaqlar. Taekvondo Federasiyasından apasport.az saytına verilən məlumata görə, artıq komandamız Asiya ölkəsinə yola düşüb.

Yarışda Azərbaycanın idman şərəfini yığmanın baş məşqçisi Reza Mehmandoustun rəhbərliyi altında dünya və Avropa çempionu, Avropa Oyunlarının qalibi Radik İsaev (+87 kq), Bakı-2015-in qızıl medalçısı Ayxan Tağızadə (68 kq), həmçinin Səid Quliyev (74 kq), Sina Bahrami (63 kq) və Məcid Sofiyev (54 kq) qoruyacaq.

Qadın idmançıların yarışında isə 49 kq çəki dərəcəsində Avropa Oyunlarının bürünc mükafatçısı Patımat Abakarova və Marina Tedeyeva (67 kq) qüvvələrini sınayacaq.

Yarışda hakimlər qismində ölkəmizi beynəlxalq dərəcəli hakim Tural Vəlibəyov təmsil edəcək.

• Dağ velosipedi üzrə Azərbaycan Kubokunun 3-cü mərhələsinə yekun vurulub
• Azərbaycanla Belarus arasında idman memorandumu
• III Xankəndi Ultramarafonuna yekun vurulacaq
• Kamandan oxatma üzrə Azərbaycan Superkuboku keçiriləcək
• Asunsion Loriyente Bakıda Azərbaycan Su İdmanı Federasiyasının fəaliyyəti ilə tanış olub