Təcrübəli müdafiəçi Dieqo Qodin dünya çempionatlarında forma geyinən ən yaşlı uruqvaylı futbolçu olub.

Apasport.az saytı xəbər verir ki, "Veles Sarsfild"in üzvü Cənubi Koreya ilə DÇ-2022-nin ilk tur matçında meydana çıxaraq rekordçuya çevrilib.

36 yaş 281 günlük olarkən yığmada çıxış edən Dieqo Qodin həmvətəni Odbulio Xasintonu 2 gün qabaqlayıb. Bu futbolçu 1954-cü il mundialında 36 yaş 279 günlə tarixə düşmüşdü.

Qeyd edək ki, Uruqvay - Cənubi Koreya matçında qapılara qol vurulmayıb.