Marko Asensio növbəti matçda İspaniya millisinə kömək edə bilməyəcək.

Apasport.az saytı xəbər verir ki, 27 yaşlı yarımmüdafiəçi AVRO-2024-ün seçmə mərhələsində Gürcüstanla keçirilən oyunda zədələnib.

Matçın 44-cü dəqiqəsində meydanı tərk etmək məcburiyyətində qalan futbolçunun Kiprə qarşı oyunda forma geyməyəcəyi bildirilir. Ayağından zədə alan futbolçunun durumuna həkimlərin müayinəsindən sonra aydınlıq gələcək.

Qeyd edək ki, 8 qolun vurulduğu Gürcüstan – İspaniya qarşılaşması qonaqların 7:1 hesablı qələbəsi ilə başa çatıb.