İran yığmasının Qətərdə keçiriləcək dünya çempionatına buraxılmasına qarşı çıxanlardan biri FIFA-nın sabiq prezidenti Zepp Blatterdir.

Apasport.az saytının məlumatına görə, isveçrəli keçmiş funksioner Asiya təmsilçisinin DÇ-2022-dən kənarlaşdırılmasının vacibliyini vurğulayıb.

Onun bu qənaətə gəlməsinə səbəb polis tərəfindən saxlanılan qadının ölümü ilə bağlı baş verən kütləvi etirazlardır: “İran dünya çempionatından kənarlaşdırılmalıdır. Əgər mən hələ də FIFA prezidenti olsaydım, şübhəsiz ki, İranı mundiala buraxmazdım”.

Qeyd edək ki, İran yığması DÇ-2022-də İngiltərə, ABŞ və Uelslə eyni qrupda yer alır. Komanda ilk oyununu noyabrın 21-də İngiltərəyə qarşı keçirəcək.

• A millinin Malta və San Marino ilə oyunlarının hakim təyinatları bəlli oldu
• Azərbaycan – Macarıstan: Açıq məşq və mətbuat konfransı
• Azərbaycan - Malta: Açıq məşq və mətbuat konfransı
• Futzal üzrə UEFA Çempionlar Liqasının 2026/2027 mövsümünün reqlamenti müəyyənləşib
• Yuxusuz gecələr başlayır: Dünya çempionatında kim favoritdir?