Dünya çempionatına yollanacaq heyəti müəyyənləşdirərkən ən böyük çətinlik yaşayan baş məşqçi, şübhəsiz ki, Braziliya yığmasının çalışdırıcısı Titedir.

Apasport.az saytının məlumatına görə, təcrübəli mütəxəssis böyük liqalarda çıxış edən yüzlərlə braziliyalı oyunçu arasında seçim edərək, “26-lığ”ı açıqlayıb.

Belədə isə bəzi ulduz futbolçuların mundialdan kənarda qalması qaçılmaz olur. DÇ-2022 öncəsi də analoji vəziyyət yaranıb. Cənubi Amerika komandasında elə oyunçular kənarda qalıb ki, onlar mundialda bir çox yığmanın gücünə güc qatar. Həmin futbolçulardan 5-ni təqdim edirik.

1. Filipp Koutinyo (“Aston Villa”)
2. Firmino (“Liverpul”)
3. Qabriel Barbosa (“Flamenqo”)
4. Renan Lodi (“Atletiko”)
5. Mateus Kunya (“Atletiko”)