DÇ-2022: İngiltərə yığması qrupda necə qala bilər?

26.11.2022 - 14:30

İngiltərə yığması Qətərdə keçirilən dünya çempionatının II turunda ABŞ-la qolsuz bərabərə qalmasına baxmayaraq, 1/8 final mərhələsinə vəsiqəni böyük ölçüdə təmin edib.

Apasport.az saytının məlumatına görə, yalnız bir ssenari britaniyalıların hədəfə çatmasının qarşısını ala bilər.

Son turun qrup mərhələsindəki İran - ABŞ görüşünün ingilislərin taleyinə heç bir təsiri olmayacaq. Çünki bu komandalardan yalnız biri Qaret Sautqeyti turnir cədvəlində qabaqlaya bilər. İngiltərə son turda Uelsə 4 və ya daha çox top fərqilə məğlub olmasa, pley-offa adlayacaq.

Qeyd edək i, mundialın reqlamentində bütün oyunlardakı top fərqi və vurulan qolların sayı şəxsi görüşlərdən üstün tutulur. B qrupunda növbəti turun görüşləri noyabrın 29-da olacaq.