Əfsanəvi ispaniyalı tennisçi Rafael Nadal Qətərdə keçiriləcək futbol üzrə dünya çempionatı ilə bağlı proqnozunu verib.

Apasport.az saytının məlumatına görə, 22 qat “Böyük Dəbilqə” çempionu mundialın favoritlərini açıqlayıb.

36 yaşlı tennisçi 6 komandanı digərlərindən fərqləndirib: “Mürəkkəb məsələdir. Dünya çempionatı ilə bağlı nəsə proqnozlaşdırmaq çətindir. Deyərdim ki, favoritlər Braziliya, Argentina, Fransa, Almaniya, Portuqaliya və İspaniyadır. Çoxlu oyunlar olacaq, lakin adlarını çəkdiklərim favoritlərdir. Baxmayaraq ki, hər zaman kiminsə sürpriz etmək şansı var”.

Qeyd edək ki, DÇ-2022 noyabrın 20-dən dekabrın 18-dək keçiriləcək.

• A millinin Malta və San Marino ilə oyunlarının hakim təyinatları bəlli oldu
• Azərbaycan – Macarıstan: Açıq məşq və mətbuat konfransı
• Azərbaycan - Malta: Açıq məşq və mətbuat konfransı
• Futzal üzrə UEFA Çempionlar Liqasının 2026/2027 mövsümünün reqlamenti müəyyənləşib
• Yuxusuz gecələr başlayır: Dünya çempionatında kim favoritdir?