"Yuventus"un vinqeri Anxel Di Maria son 5 ildə ilk dəfə bir oyunda 3 qol vurub.

Apasport.az xəbər verir ki, argentinalı futbolçu Avropa Liqasının pley-off mərhələsində “Nant”la görüşdə (3:0) het-trik edib. O, 5, 20 və 78-ci dəqiqələrdə fərqlənib və 81-ci dəqiqədə əvəzlənib.

Qeyd edək ki, Anxel Di Maria sonuncu dəfə 6 fevral 2018-ci ildə Fransa Kubokunda PSJ-nin "Soşo"ya 4:1 hesabı ilə qalib gəldiyi görüşdə het-trik edib. Bundan sonra o heç bir oyunda 3 dəfə qol vura bilməmişdi.