"Mançester Siti" və "Real" geridönüşlə qələbə qazanıb.

Apasport.az xəbər verir ki, "Siti" İngiltərə Premyer Liqasında VII turdan təxirə salınmış matçda "Tottenhem"i qəbul edib.

İlk hissədən sonra meydan sahibləri 0:2 uduzsa da, fasilədən sonra 4 qol vuraraq qalib gəliblər – 4:2. Bununla da lider "Arsenal"la 5 xallıq fərq qorunub.

Oxşar hadisə İspaniya Kubokunun "Vilyareal" – "Real" matçında da yaşanıb. Fasiləyədək 0:2 uduzan Madrid təmsilçisi ikinci 45 dəqiqədə 3 qol vuraraq qalib gəlib – 3:2. Bununla da Kral klubu 1/4 finala vəsiqə qazanan sonuncu komanda olub.