İngiltərə Kubokunda 1/8 final mərhələsinin oyunları keçirilir.

Apasport.az xəbər verir ki, Kriştianu Ronaldosuz "Mançester Yunayted" "Börnli"ni Kristian Eriksen və Markus Rəşfordun qolları ilə 2:0 məğlub edərək 1/4 finala çıxıb.

Bundan əvvəlki mərhələdə "Arsenal"ı turnirdən kənarlaşdırmış "Brayton" isə "Çarlton"la bacarmayıb. Əsas vaxtı qolsuz başa çatmış oyunda "Brayton" penaltilər seriyasında 3:4 uduzaraq mübarizəni dayandırıb.

Qeyd edək ki, dekabrın 20 və 21-də keçirilmiş oyunlardan sonra sensasiya baş verməmiş və Premyer Liqa klubları – "Lester", "Nyukasl", "Sauthempton", "Vulverhempton" və "Notinqem Forest" mərhələ adlamışdı. Bu mərhələnin ən maraqla gözlənilən oyunu – "Mançester Siti" – "Liverpul" matçından sonra 1/8 finala yekun vurulacaq.