Argentina millisinin hücumçusu Lionel Messi Meksikaya səfər qadağası ilə üzləşə bilər.

Apasport.az xəbər verir ki, bu barədə meksikalı siyasətçi Maria Klemente Qarsia 35 yaşlı argentinalının ölkəyə girişini qadağan etmək təşəbbüsü ilə çıxış edib.

Qeyd edək ki, DÇ-2022-nin qrup mərhələsinin II turunun oyunundan sonra Argentina millisinin paltardəyişmə otağından video yayımlanıb. Videoda Messinin yanında yerdə Meksika millisinin formasının olduğu, hücumçunun qələbə sevinci zamanı onu ayağı ilə tapdaladığı görünür.

Boks üzrə superorta çəkidə mütləq dünya çempionu olan meksikalı Saul Alvares bu epizoda reaksiya verib. O, oyunçunu “cəzalandıracağına” söz versə də, sonradan sözlərinə görə üzr istəyib.