Mundiallar tarixinin ən yaşlı MƏŞQÇİLƏRİ

26.11.2022 - 10:05

Niderland millisinin baş məşqçisi Lui van Qal Qətərdə keçirilən dünya çempionatında həmkarları arasında ən yaşlısıdır.

Apasport.az saytının məlumatına görə, o, qrup mərhələsinin II turunda Ekvadorla oyuna (1:1) 71 yaş 109 günlüyündə çıxıb.

Van Qal mundiallar tarixində isə bir komandaya rəhbərlik edən ən yaşlı üçüncü mütəxəssisdir. Lakin ikinci yeri tutan Oskar Tabaresi ötmək şansına malikdir. Bu, Niderlandın yarımfinala çıxacağı təqdirdə baş verəcək.

Bu baxımdan rekordçu DÇ-2010-da Yunanıstan yığmasına başçılıq edən Otto Rehhageldir.

	Məşqçi	Ölkəsi	Komandası	Yaşı	Tarix	Oyun
1	Otto Rehhagel	Almaniya	Yunanıstan	71-317	22/06/2010	Argentina – 0:2
2	Oskar Tabarez	Uruqvay	Uruqvay	71-125	06/07/2018	Fransa – 0:2
3	Lui van Qal	Niderland	Niderland	71-109	25/11/2022	Ekvador – 1:1
4	Çezare Maldini	İtaliya	Paraqvay	70-130	15/06/2002	Almaniya – 0:1
5	Karlos Keyruş	Portuqaliya	İran	69-259	25/11/2022	Uels – 2:0
6	Joze Pekerman	Argentina	Kolumbiya	68-303	03/07/2018	İngiltərə - 1:1 (pen. 3:4)
7	Fernando Santuş	Portuqaliya	Portuqaliya	68-045	24/11/2022	Qana – 3:2